1. An fhreagracht atá orainna chun a bheith níos airdeallaí agus ceisteanna a chur maidir le luach agus cáilíocht na n-earraí agus an gharaíocht a mbainimid feidhm aisti.
2. An fhreagracht atá orainn chun sinn féin a chur in iúl agus a chinntiú go bhfuaireamar margadh cóir.
3. An fhreagracht atá orainn chun a bheith ar an airdeall i dtaca leis an tionchar a bhíonn ag ár dtomhaltas ar shaoránaigh eile.
4. An fhreagracht atá orainn chun iarmhairt ár dtomhaltas ar an gcomhshaol a thuiscint.
5. An fhreagracht atá orainn chun treise agus tionchar an tomhaltóra a mhéadú chun a leasa a chur chun cinn agus a chosaint.

Tá sé soiléir ó na réimsí thuasluaite sin go bhfuil na saincheisteanna a bhaineann le tomhaltóirí tar éis leathnú amach ón raon cúng a bhaineann le cosaint tomhaltóirí amháin agus clár oibre níos leithne a chuimsiú agus a chur chun cinn.

Maidir le geilleagar nua-aimseartha forasách na linne seo ní mór don tomhaltóir a bheith ina cheann feadhna a éilíonn nuálaíocht, a chuireann forás agus athruithe chun feabhais i gcríoch, agus nach nglacfaidh le tada eile seachas cáilíocht den scoth agus iliomad roghanna a bheith ar fáil.

Caithfidh an tomhaltóir é féin a chur in iúl níos mó, i gcomhar leis an táirgeoir más gá, agus dul ar thús cadhnaíochta ó am go chéile.